கோவிட்- 19 நோய்த்தொற்றை கட்டுப்படுத்தும் நோக்கில் அமுல்ப்படுத்தப்பட்ட ஊரடங்குசட்டத்தினால் இலங்கையில் நாளாந்த ஊதியத்துக்கு பணிபுரிந்து வந்த குடும்பங்கள் தங்கள் அன்றாட உணவுத்தேவையை பூர்த்தி செய்ய முடியாமல் பட்டினிச்சாவையும் போசாக்கின்மையையும் எதிர்நோக்கியிருக்கும் இவ் வேளை எமது கேவிட் -19 சிறப்பு உலர்உணவுத்திட்டம் தற்போது முல்லைத்தீவு மாவட்டத்தில் செயற்படுத்தப்படுகின்றது. எமது இத்திட்டத்தின் முல்லைத்தீவு மாவட்டத்துக்கான இரண்டாம் கட்ட உலர்உணவு வழங்கல் ஏப்ரல் 29, 2020 நடைபெற்றது. அதன்போது பாடசாலை செல்லும் சிறுவர்களை உள்ளடக்கிய 400 குடும்பங்களுக்கு உலர் உணவு வழங்கப்பட்டது.

வன்னிச்சங்கத்தின் அவசரகால நிவாரண உதவித்திட்டம் முதற்கட்டமாக வவுனியா மாவட்டத்தில் நிறைவடைந்துள்ள இவ் வேளை இன்று முல்லைத்தீவு மாவட்டத்தை சோ்ந்த இரண்டு பாடசாலைகள் அமைந்துள்ள கெக்குதொடுவாய் மகாவித்தியாலயம் மற்றும் கருநாட்டு்க்கேணி அரசினர் தமிழ்க்கலவன் பாடகளைச் சோ்ந்த மாணவர்களின் 68 குடும்பங்களுக்கு வழங்கப்பட்டுள்ளது.

கோவிட் -19 நோய்தொற்றை தடுக்கும் வகையில் அமுல்ப்படுத்தப்பட்ட ஊரடங்கு நிலையால் தமது அன்றாட வருமானத்தை இழந்த தொிவு செய்யப்பட்ட மக்களுக்கான உலர்உணவுப்பொதி வழங்கல் தொடர்ந்தும் நடைபெற்று வருகின்றது. இன்று நான்கு பாடசாலைகள் உள்ள சிறிராமபுரம், நெச்சிக்குளம், கள்ளிக்குளம், புதிய சின்னக்குளம் ஆகிய கிராமங்களைச் சோ்ந்த 113 குடும்பங்களுக்கு வழங்கப்பட்டுள்ளது.